KWS(UK) Projects
TOTAL= £203,550

Year            Fund Provided

    2016                  £29,704
    2015                  £8,250
      2014                  £7,320
        2013                  £1,425
          2012                  £1,500
            2011                  £10,750
              2010                  £63,100
                2009                  £3,700
                  2008                  £3,000
                    2007                  £4,000
                      2006                  £6,200
                        2005                  £19,000
                          2004                  £4,800
                            2003                  £3,000
                              2002                  £3,500
                                2001                  £6,000
                                  2000                  £6,100
                                    1999                  £15,171
                                      1998                  £1,500
                                        1996                  £1,000
                                          1995                  £500
                                            1994                  £3,950
                                              =================
                                                TOTAL     =      £203,550
                                                  =================

                                                  Karainagar in 2040

Donate

Please make a donation here

Membership

Coming soon....

யாழ்ற்ரன் கல்லூரி காணிக் கொள்வனவு நிதிசேகரிப்பு நிறுத்தம்

பிரித்தானிய காரை நலன்புரிச்சங்கத்தின்  யாழ்ற்ரன் கல்லூரிக்கான  அண்மித்த பாடசாலை பௌதீகவள அபிவிருத்தி திட்டத்திற்கான காணி கொள்வனவு நிதிகோரல் நிறைவுபெற்றது.
இன்று (09/08/2016) கிடைத்த யாழ்ற்ரன் அதிபரின் மறு வேண்டுகோளின்படி,  யாழ்ற்ரன்  கல்லூரிக்கான காணிக்கொள்வனவை தனியொரு நலன்விரும்பி நிதியுதவி வழங்கி குறிப்பிட்ட காணியை  பெற்றுத்தருவதிற்கு முன்வந்துள்ளமையால், நாம்  இந்த கல்லூரிக்கான இந்த நிதி சேகரிப்பை இன்றுடன் நிறைவுசெய்துகொள்கின்றோம்.
               இவ் நிதியுதவியை வழங்கி இக்கல்லூரிக்கான இப்பாரிய நலன்மிக்க திட்டத்தை நிறைவேற்ற முன்வந்த தயாளகுணமுடைய அந்த அன்பர்க்கு பிரித்தானிய காரை நலன்புரிச்சங்கம் மனமார்ந்த நன்றிகளை தெரிவித்துக்கொள்கின்றது.
      இதுவரை மூவரிடமிருந்து மொத்தமாக £700.00 நிதியுதவியாக இத்திட்டத்திற்கு இவ்விணைய இணைப்பின் மூலம் சேகரிக்கப்பட்டுள்ளது. இப்பணம் இம் மூவருடனும் தொடர்புகொண்டு அவர்களின் விருப்பதிற்கு இணங்க முறையே கையாளப்படும்.
நன்றி
நிர்வாகம்,
பிரித்தானிய காரை நலன்புரிச்சங்கம்

மீண்டும் வன்னியில் பார்வை கொடுத்தது பிரித்தானிய காரை நலன்புரிச்சங்கம்-Vanni Cataract Operation 2016

மீண்டும் வன்னியில் பார்வை  கொடுத்தது பிரித்தானிய காரை நலன்புரிச்சங்கம் .

 

பெனிபெனியாய் விழுந்தது,  கண்மணியில் ஒளிர்ந்தது!!!

 

பிரித்தானிய காரை நலன்புரிச்சங்கத்தின், காரை மண்ணைத் தாண்டிய சேவைகளில் மீண்டும் ஒரு மைல் கல்லாக தடம் பதிக்கிறது முல்லைத்தீவு மக்களுக்கான கண்படர் அகற்றல் சிகிச்சை(Cataract Surgery ).
வவுனியா அரசு வைத்தியசாலையில் கடந்த வைகாசி 31ம் திகதி முதல் ஆனி 4ம் திகதிவரை நடைபெற்ற கண்படர் அகற்றல் சிகிச்சை முகாமில்  500 வறுமைக்கோட்டுக்கு கீழ் வாழும், கண்படர்  நோயினால் பாதிக்கப்பட்ட முல்லைத்தீவு , மன்னார் , கிளிநொச்சி , வவுனியா ஆகிய இடங்களில் வாழும் மக்களுக்கான  சிகிச்சை செய்து முடிக்கப்பட்டது. இதில் முல்லைத்தீவு மாவட்த்தில் தெரிவு செய்யப்பட்ட 100 வறுமைக்கோட்டுக்கு கீழ் வாழும் மக்களுக்கான மேற்படி சிகிச்சையை பிரித்தானிய காரை நலன்புரிச்சங்கம் நிதியுதவி வழங்கி நிறைவேற்றியுள்ளது. இந்த நிதியானது பிரித்தானியாவில் உள்ள எமது காரைமண் சார்ந்த வர்த்தக நிறுவனங்களில் உண்டியல்கள் மூலம் பெனிபெனியாய் சேர்க்கப்பட்ட பணம் என்பது இங்கே குறிப்பிடத்தக்க ஒரு விடையம். இப்படி சேகரிக்கப்பட்ட பணம் மூலம் இது  இரண்டாவது தடவையாக வன்னியில் மேற்கொள்ளப்பட்ட வறுமைக்கோட்டுக்கு கீழ் வாழும் மக்களுக்கான சேவையாகும். முதல் முறையாக கடந்த வருடம் ஆடி மாதம் கிளிநொச்சியில் 100 வறுமைக்கோட்டுக்கு கீழ் வாழும் மக்களுக்கு இச்சிகிச்சை அளிக்கப்பட்டது.
                                                         இதுவரை காலமும் பிரித்தானிய காரை நலன்புரிச்சங்கம்  பெனிபெனியாய் சேகரித்த பணத்தில் இதுவரைகாலமும் ஒரு மில்லியன் ரூபாய்களை(£5,500.00) வன்னிப்பகுதியில்  சுகாதார சேவைக்கென வழங்கியுள்ளது.
மிகுதி இடங்களில் இருந்து சிகிச்சைக்கு தெரிவு செய்யப்பட்ட மக்களுக்கு வெவ்வேறு தொண்டு அமைப்புக்கள் நிதியுதவி வழங்கி இச்சிகிச்சையை நிறைவேற்றியுள்ளன.
    இச்சேவையினை மிகுந்த சிரத்தையுடன் செய்து தந்துதவிய லண்டன் சைவமுன்னேற்ற சங்கத்தின் கிளையான அறிவொளி வளையத்திற்கு எமது மன்றம் நன்றிகளையும் , பாராட்டையும் தெரிவித்துக்கொள்கின்றது. அத்துடன் இதில் கடின ஒத்துழைப்பு வழங்கிய Vision 2020 அமைப்பினருக்கும், தமது இலவச ஒத்துழைப்பு வழங்கிய அனைத்து மருத்துவ நிபுணர்களுக்கும் எமது நன்றிகளையும் , பாராட்டையும் தெரிவித்துக்ககொள்கின்றோம்.
கீழ் காணும் காணொளி இணைப்புக்கள்  மேலதிக செய்திகளை உங்களுக்குக் கூறும்.

 

 

 

                 பிரித்தானிய காரை நலன்புரிச்சங்கத்தின் காரை மண்ணைத்தாண்டிய சேவைகளில் இது ஒரு பெறுமதி மிக்க சேவையாக  கருதப்படுகின்றது.

 

      குடிசெய்வல்  என்னும் ஒருவற்குத்  தெய்வம்
      மடிதற்றுத் தான்முந் துறும்.
      குறள்  1023
நன்றி
நிர்வாகம்,
பிரித்தானிய காரை நலன்புரிச்சங்கம்.
01/08/2016

யாழ்ற்ரன் கல்லூரியின் எதிர்கால கல்வி வளர்ச்சிக்காய் கைகொடுப்போம்!!!

யாழ்ற்ரன் கல்லூரியின் எதிர்கால கல்வி வளர்ச்சிக்காய் கைகொடுப்போம்!!!

பழைய மாணவர்களே !!!! நலன் விரும்பிகளே!!!! சற்று உதவுங்கள் !!!!

எமது யாழ்ற்ரன் காணிக்கொள்வனவு நிதிகோரல்.

யாழ்ற்ரன் கல்லூரி கல்வி அமைச்சின் “அண் மித்த பாடசாலை சிறந்த பாடசாலை” (Nearest school is the best school) என்ற வேலைத்திட்டத்தில் சேர்க்கப்பட்டுள்ளது. இதன் காரணமாக அமைச்சினால் நிறுவப்படவுள்ள கட்டங்கங்களுக்கு கல்லூரியின் காணி போதாமையாகவுள்ளது.

தற்போது உள்ள காணி விளையாட்டு மைதானத்திற்கு மட்டுமே போதுமானதாகவுள்ளது, எனவே இம்மைதானத்துடன் சேர்ந்த காணிகள் 25 பரப்பு உள்ளது. இதனை கல்லூரி கொள்வனவு செய்ய வேண்டிய கட்டாயம் வந்துள்ளது. இக்காணிகள் வாங்காவிட்டால் அவ்வமைச்சினால் வந்த நிதி திரும்பிவிடும். எனவே இவ் 25 பரப்பு காணியைக் கொள்வனவு செய்வதற்கு ரூபாய் 2,750,000/= (ரூபாய் 27 1/2 லட்சம் ) தேவையாகவுள்ளது. எனவே இதற்கான நிதி உதவியை இலண்டன் மற்றும் இதர நாடுகளில் வாழும் யாழ்ற்ரன் கல்லூரி பழைய மாணவர்கள் அல்லது நலன் விரும்பிகள் இதற்குரிய நிதியுதவியை செய்து தருமாறு தங்களை அன்பாக வேண்டிக்கொள்கின்றோம்.

தங்கள் தாராள மனத்தை தயவுடன் வழங்க கீழ்வரும் இணைப்பை அழுத்தவும்:
https://mydonate.bt.com/events/karaiyarltoncollegeland2016

இது கல்லூரிக்கு மிகவும் அவசியமான முக்கியமான தேவை என்பதனை இங்கு சுட்டிக்காட்ட விரும்புகின்றோம்.

நன்றி,
நிர்வாகம்
பிரித்தானிய காரை நலன்புரிச்சங்கம்

காரைச் சங்கமம் 2016 நிகழ்வறிக்கை – Karai Sangamam 2016 Event Report

 

காரைச் சங்கமம் 2016 (தியாகச் சங்கமம்) புதுப் பொலிவுடனும் புதியவர்களின் வருகையுடனும் சங்கமித்தது 

KaraiSangamam2016-Ku (69)
மனத்துடன் வந்து இனத்துடன் இணையுங்கள் என்றோம்…………… எம் மக்கள் இனத்துடன் வந்து மனத்துடன் மகிழ்ந்தார்கள்,!!!!!
  பொதுப்பணிகளில் இருந்துகொண்டு ஊருக்கு துரோகம் விளைவிப்பவர்கள் ஆலயங்கள் சென்று பாவமன்னிப்பு வேண்டி மண்டாட வேண்டிய காலம் வெகுவிரைவில் !!!! அமைச்சர் விஜயகலா மகேஸ்வரன் உரை!!
பிரித்தானியா காரை நலன் புரிச் சங்கத்தின் வருடாந்த விளையாட்டுப்போட்டியுடன் கூடிய ஒன்றுகூடலான காரைச் சங்கமம் நேற்றைய தினம் அமைதியான முறையில்  அட்டாகாசமாக நிறைவுற்றது.
                       சங்கமம் இவ்வருடம் எமது மண்ணின் தியாகச் செம்மல் அமரர் ஆ.தியாகராஜா அவர்களின் நூறாவது பிறந்ததின ஞாபகார்த்தமாக ”தியாகச் சங்கமம்” என மிளிர்ந்தது.
       இவ் அரியநிகழ்வுக்கு தாயகத்தில் இருந்து பிரதம அதிதியாக சிறுவர்கள் விவகார இராஜாங்க அமைச்சர் விஜயகலா மகேஸ்வரன் அவர்கள் வருகை தந்து சிறப்பித்திருந்தார்கள்.
   கலாநிதி ஜோன் மனோகரன் கெனடி அவர்கள் தவிர்க்க முடியாத காரணத்தினால் நிகழ்விற்கு சமூகம் தர முடியவில்லை.
           கெளரவ விருந்தினர்களாக , எமது பிரித்தானியா காரைநலன் புரிச் சங்கத்தின் நலன்விரும்பிகளான திரு. S . கமலநாதன், திரு. P . உதயகுமார், திரு. T . தனபாலன், திரு. க. விக்னேஸ்வரன் ஆகியோர் கலந்து கொண்டு சிறப்பித்தனர். எமது ஊடகவியலாளர் திரு இ . தயானந்தாஅவர்களும் கலந்துகொண்டு சிறப்பித்திருந்தார்.
                                           ஜெர்மனியில் இருந்து திரு சாயி குடும்பத்தினர் வழமைபோல் குடும்ப சகிதம் வந்து கலந்துகொண்டு சிறப்பித்தனர்.
           புங்குடுதீவு உதைபந்தாட்ட குழுவுடன் திரு கருணலிங்கம் அண்ணா, பிரேம் அண்ணா(Lyca Mobile ) ஆகியோர் கலந்து கொண்டு சிறப்பித்தனர்.
     மேற்படி நிகழ்வு காலை 11 மணியளவில் ஆரம்பமானது. தொடர்ந்து விளையாட்டு நிகழ்வுகள் களைகட்டத் தொடங்கின. குறிப்பாக இம்முறை ஆரம்பிக்கப்பட்ட கிளித்தட்டு (தாச்சி) ஆண்பெண் இருபாலரையும் கவர்ந்தது. தொடர்ந்து இளையோரும் இதில் குதித்தனர்.
      உதைபந்தாடடம், ஒட்டம், தடை ஒட்டம், கயிறிழுத்தல் என விளையாட்டு நிகழ்வுகள் தொடர்ந்தன.
   மாலை 4 மணியளவில் புங்குடுதீவு நலன் புரிச் சங்க உதைபந்தாட்ட குழுவுக்கும், எமது பிரித்தானியா காரை நலன் புரிச் சங்கத்தின் இளையோர் அமைப்பின் உதைபந்தாட்ட குழுவுக்கும் இடையிலான ஓர் நட்பு ரீதியிலான உதைபந்தாட்ட போட்டி ஒழுங்கு செய்யப்பட்டிருந்தது. ஆட்டம் விறுவிறுப்பாக நடைபெற்றது, இறுதியில் புங்குடுதீவு அணி 2:1 என்றரீதியில் வெற்றி பெற்றது.
                     சிறுண்டிச்சாலையில் சுடச்ச்சுட உணவுகள் சுவையாக விநியோகிக்கப்பட்டன. குறிப்பாக கூழ் இம்முறை துரித கதியில் காலியானது. ஊரில் இருந்து கொண்டுவரப்பட்ட பனையோலையில் கொய்யப்படட பிளா கூழுக்கு மேலும் தனி ருசி ஊட்டியது.
    மாலை 6 மணியளவில் பரிசளிப்பு நிகழ்வு ஆரம்பமானது. நிகழ்வில் பிரதம விருந்தினர் உரை அனைவைரையும் சிந்திக்கவைத்தது.( காணொளி இணைக்கப்பட்டுள்ளது). தொடர்ந்து திரு தயானந்தா அவர்கள் அமரர் ஆ தியாகராஜா அவர்கள் பற்றியும், அவர் ஊருக்கு ஆற்றிய சேவைகள் பற்றியும் உரையாற்றினார், தலைவர் திரு கோணேசலிங்கம் அவர்களின் உரையைத் தொடர்ந்து பரிசளிப்பு நிகழ்வுடன் சங்கமம் இனிதே நிறைவுற்றது.
     இணைக்கப்பட்டிருக்கும் காணொளிகள், புகைக்கப்படங்கள், ஒளிவுமறைவின்றி உங்களுக்கு மேலும் விளக்கமளிக்கும்.
நன்றி
நிர்வாகம்
பிரித்தானிய காரை நலன்புரிச்சங்கம்.

பிரித்தானியாவில்  முதன்  முறையாக பிழாவில்  சுடச் சுட கூழ் குடித்து கொண்டாடப்பட்ட காரைச் சங்கமம் 2016  

இம்முறை நீங்கள் தவறவிட்டிருந்தால் காரைச் சங்கமம் 2017 இல் தவறாது இணையுங்கள்   

காரைச் சங்கமம் 2016 இல்  தாச்சியில் (கிளித்தட்டில்) புகுந்து கலக்கிய காரை மக்கள்    

காரை மக்கள் சங்கமித்த இந்த விளையாட்டு விழாவின் மேலதிக படங்கள் கீழே……. 

காரைநகர் இந்துக் கல்லூரி காணிக்கொள்வனவிற்கான நிதி திரட்டல்

 

பூமிப்பந்தில் பரந்து வாழும் பெருந்தன்மையுள்ள காரை மக்களே வணக்கம் …
உலகெங்கும் பரந்து வாழுகின்ற இவ்வேளையிலும்  காரை மாதாவின் கல்விப்பணியில் கருணை உள்ளம் கொண்டவர்களே, காரை இந்து மாதாவின் மடியில் கற்று, தவழ்ந்து, நடந்து, ஓடி, பாய்ந்து, துள்ளி விளையாடி, பல துறைகளிலும் சாதனைகள் படைத்து புலம் பெயர் நாடுகளில் காரை புகழ் பரப்பும் கருணை உள்ளம் கொண்டவர்களே.!!
  எமது எதிர்கால சிறார்கள் சமகால கல்வி மாற்றங்களிக்கேற்ப கல்வியினை பெற்றுக் கொள்வதிற்கு தங்களின் மேலான நிதியுதவியினை  நாடி  நிற்கின்றோம்.
அரசினால் அறிமுகப்படுத்தப்படவிருக்கும் அண்மித்த பாடசாலை பௌதீகவள அபிவிருத்தி திட்டத்திற்கு 230மில்லியன் ரூபாய்கள் ஒதுக்கப்பட்டுள்ளது. இத் திட்டத்தை இக் கல்லூரியில் அமுல் படுத்துவதற்கு கல்லூரியை அண்டியுள்ள 48 பரப்பளவுள்ள காணி கல்லூரிக்கு உடனடியாக தேவைப்படுகின்றது.

      இதில் :- 
                  1)  6 பரப்பளவு காணி அன்பளிப்பு செய்யப்பட்டுள்ளது 
                  2)  5 1/2 (ஐந்தரை பரப்பு ) காணி கொள்வனவை கொழும்பு மற்றும் கனடா பழைய 
                      மாணவர் சங்கம் பெற்று வழங்கியுள்ளது.

மிகுதி 36 பரப்பளவு காணி கொள்வனவு செய்வதற்கான நிதியுதவி தேவைப்படுகின்றது.  மிகுதியாக கொள்வனவு செய்யப்படவேண்டிய காணிகள்  முறையாக அடையாளப்படுத்தப்பட்டுள்ளன, எனவே தங்களிடம் இக் காணிக்  கொள்வனவிற்கான தங்களின் நிதிப்பங்களிப்பினை எதிர்பார்த்து நிற்கின்றோம்.
      எங்கள் எதிர்கால சிறார்கள் சிறப்பான கல்வியைப் பெற்று நல்லதோர் சமூகம் நம் கிராமத்தில் உருவாக எமது மக்களாகிய உங்கள்  அனைவரினதும்  நிதிப்பங்களிப்பினை  பெருமனதுடன் செய்வீர்கள் என்று எதிர்பார்த்து நிற்கின்றோம்.
தங்கள் தாராள மனத்தை தயவுடன் வழங்க கீழ்வரும்  இணைப்பை அமுக்கவும்

 

   
                             ”சிறுதுளி பெருவெள்ளம்”
    தாம்இன் புறுவது உலகுஇன் புறக்கண்டு 
    காம்உறுவார் கற்றுஅறிந் தார்.
                                       குறள்-399
நன்றி

நிர்வாகம்
பிரித்தானியா காரை நலன் புரிச்சங்கம்.

காரை சங்கமம் 2016-அறிவிப்பு

பிரித்தானியா காரை நலன் புரிச் சங்கத்தின் வருடாந்த விளையாட்டு நிகழ்வுடன் கூடிய ஒன்றுகூடல்

”காரை சங்கமம் 2016”

New Flyer for Event on 24.07.2016 (Sunday)

karai-2016 (1)

 

காரை மண்ணின் தியாகச் செம்மல் கலாநிதி அமரர் ஆ. தியாகராஜா அவர்களின் பிறந்ததின நூற்றாண்டின் நிறைவாக எமது வருடாந்த காரைச் சங்கமம் இந்த ஆண்டு ”தியாகச் சங்கமம்” ஆக மிளிர்கின்றது.

காலம் :- ஜூலை மாதம் 24ம் திகதி ஞாயிற்றுக்கிழமை காலை 09:00 மணிமுதல் மாலை 06:00 மணிவரை

இடம்:- Kingsbury High School play ground

Stag Lane,

Kingsbury,

London, NW9 9AA

தாயகத்தில் இருந்தும், எமது சகோதர மன்றங்களான பிரான்ஸ் , சுவிஸ் ஆகிய நாடுகளில் இருந்து வருகைதரும் பல சிறப்பு விருந்தினர்களின் சங்கமத்தில் விழா தியாகப் பெரும்சுடர் விடும் இவ்வேளை அனைவைரையும் அன்புடன் கலந்து கொண்டு சிறப்பிக்குமாறு அன்புடன் அழைக்கின்றனர் பிரித்தானியா காரை நலன் புரிச் சங்கத்தினர்.

உதை பந்தாட்டம் மற்றும் துடுப்பாட்டம் குழுவில் பங்குபெற விரும்பும் இளையோர் முற்கூட்டியே தங்கள் பெயர்களை பதிவு செய்வதன் மூலம், இறுதிநேர காத்திருத்தலை தவிர்த்துக் கொள்ளலாம்.

உதை பந்தாட்டம் தொடர்புகளுக்கு :-

Mano – 07859 900771, Arunan – 07791 836281

துடுப்பாட்டம் தொடர்புகளுக்கு :-

Nishanthan – 07838 155864, Gajan – 07951 993073

Further more detail Pls visit to http://www.karainagar.org/

மனத்துடன் வந்து இனத்துடன் இணையுங்கள்!!!

நன்றி

பிரித்தானியா காரை நலன்புரிச்சங்கம்.

அன்பான காரை மக்களுக்கோர் பண்பான வேண்டுகோள்

அன்பான காரை மக்களே,
கீழ் இணைக்கப்பட்டுள்ள கடிதம் எமது ஏனைய காரை அமைப்புகளுக்கு அனுப்பப்பட்டது. இதற்கான தகுந்த பதில் எமக்கு கிடைக்காத காரணத்தால் இந்த கடிதம் இணையதளத்தில் காரை மக்களின் கருத்துக்களிற்காக வெளியிடப்படுகிறது. உங்கள் கருத்துக்களை இக்கடிதத்தில் உள்ள பிரித்தானிய காரை நலன்புரிச்சங்க நிர்வாக உறுப்பினர்களுடன் தொடர்புகொண்டு தெரிய படுத்துமாறு தாழ்மையுடன் கேட்டுக் கொள்கிறோம்.
நன்றி,
நிர்வாகம்
பிரித்தானிய காரை நலன்புரிச்சங்கம்
 file-page1 file-page2file-page3
a_0001 a_0002

பிரித்தானிய காரை நலன்புரிச்சங்கத்திற்கு சுகாதார வைத்திய அதிகாரி எஸ்.குலதாசன் பாராட்டு!

 

பிரித்தானிய காரைநலன் புரிச்சங்கத்திற்கு ஊர்காவற்றுறை சுகாதார வைத்திய அதிகாரி பாராட்டு   தெரிவித்துள்ளார்.   பிரித்தானிய காரை   நலன்புரிச்சங்க   நிதியுதவியுடன் காரைநகர்   முன்பள்ளி   மாணவர்களிற்கான   இரும்புச்சத்தது   பாணி   மருந்தினை முன்பள்ளிஆசிரியர்களிடம்   வழங்கும்   வைபவத்தில்   கலந்து   கொண்டு உரையாற்றும்போதே இவ்வாறு தெரிவித்துள்ளார். பிரித்தானிய நலன்புரிச்சங்க   நிதியுதவியுடன்   காரைநகர்   முன்பள்ளி மாணவர்களிற்கான   இரும்புச்சத்து   பாணி   மருந்துகள்   ஆசிரியர்களிடம்   வழங்கும் நிகழ்வு   இன்றைய   தினம்   20.05.2016   வெள்ளிக்கிழமை   காரைநகரில் நடைபெற்றது.
இந்நிகழ்வில்   ஊர்காவற்றுறை   சுகாதார   வைத்திய   அதிகாரிஎஸ்.குகதாஸன், காரைநகர்   பொது   சுகாதார   வைத்திய   அதிகாரி, முன்பள்ளிஇணைப்பாளர்,   பிரித்தானிய காரைநலன்புரிச்சங்க   காரைநகர்   பிரதிநிதி   உட்பட முன்பள்ளி ஆசிரியர்களும் கலந்து கொண்டனர். சுகாதார   வைத்திய   அதிகாரி   மேலும்   உரையாற்றுகையில்   எமது   அரசின்   நிதி ஒதுக்கீட்டில்   கர்ப்பிணித்தாய்மாருக்கான   சத்துணவு, பாடசாலை   மாணவர்களிற்கான சத்துணவுத்திட்டம்   என்பனவற்றினை   நடைமுறைப்படுத்திய   போதிலும்   முன்பள்ளிமாணவர்களின்   போசாக்கு   திட்டத்தில்   எவருமே   அக்கறை  செலுத்துவதில்லை.
பொதுவாக இலங்கையில்   சிறுவர்களிற்கான   இரும்புச்சத்து   குறைபாடு   பெரும்   குறையாக காணப்படுகின்றது. இந் நிலையில் யாழ்ப்பாணம் மிகவும் பின்தங்கிய நிலையில் உள்ளது. காரைநகர் அபிவிருத்தியில் அக்கறை  உடைய பிரித்தானிய காரைநலன்புரிச்சங்கம் எனது   கோரிக்கையை ஏற்று   இதற்கான   நிதியுதவியை   வழங்கியுள்ளது.
பிரித்தானிய நலன்புரிச்சங்கத்தினரின்   2040ம்   ஆண்டு   காரைநகர்   எப்படி   இருக்கவேண்டும் என்ற   ஆதங்க   ஒளித்   தொகுப்பினை   இணையத்தளத்தில்   பார்த்தேன்.   அப்போதுதான் அவர்களின்   உணர்வுகளை மதிப்பட   முடிந்தது.   ஆனால்   அதற்கான   அடித்தளம்   இந்த   சத்துபாணி வழங்கும் நிகழ்வாகவும் இருக்கலாம். ஏனெனில் இச்சத்து பாணி வழங்குவதனுடாக சிறுவர்களின்   உடல்   ஆரோக்கியம்   என்பதனை   விட   அவர்கள்   கற்றல் செயற்பாட்டிலும் இலகுவாகவும் திறமையாகவும் ஈடுபடமுடியும். இதனூடாக இச்சிறுவர்கள் எதிர்காலத்தில் சிறந்த கல்வியலாளர்களாகவும் தேக ஆரோக்கியம் ஆனவர்களாகவும் உருவாக்கப்படுவதனூடாக   காரைநகர்   சிறந்த   அபிவிருத்தியடைய   வாய்ப்பு   ஏற்பட சர்ந்தர்ப்பம் உருவாகின்றது. ஆதலால் இந்த சத்து பாணி மருந்தினை தொடர்ந்து மூன்றுமாத   காலத்திற்கு   முன்பள்ளி   மாணவர்களிற்கு   ஒவ்வொரு   நாளும்   வழங்க   வேண்டும். இதற்கான   முன்னேற்றம்   சுகாதார   பரிசோதகரால்   அவதானிக்கப்பட்டு அறிக்கையிடப்படும்   என்று   தெரிவித்ததுடன்   இப்பணியில்   ஈடுபடும் ஆசிரியர்களிற்கு   பாராட்டு   தெரிவித்ததுடன்   இதற்கு   நிதியுதவி   வழங்கிய   பிரித்தானிய காரை   நலன்புரிச்சங்கத்தினரையும்   பாராட்டுகின்றேன்   என்றும் மேலும்தெரிவித்தார்.
இத்தருணத்தில் காரைநகர் நலன்புரிச்சங்க நிர்வாகத்திற்கு பிரித்தானிய காரை நலன்புரிச்சங்கம் தனது நன்றியினையும் பாராட்டினையும் தெரிவித்துக் கொள்கிறது.

 

நன்றி,
நிர்வாகம்
காரை நலன்புரிச்சங்கம் (பிரித்தானியா)

 

ஆண்டுகள் சில கடந்தாலும் ஆழமான சிந்தனையின் அபிவிருத்திக்கான அடிக்கல் நாட்டுவிழா!!!

ஆண்டுகள் சில கடந்தாலும் ஆழமான சிந்தனையின் அபிவிருத்திக்கான அடிக்கல் நாட்டுவிழா!!!

 

 

பிரித்தானிய காரை நலன்புரிச்சங்கத்தின் கடந்தகால பிரமாண்ட வேலைத் திட்டங்களில் ஒன்றான ஆயுள்வேத வைத்தியசாலை நிர்மான கட்டுபணி வேலைகளுக்கான அடிக்கல் நாட்டு விழா நேற்று (16/05/2016) ஆரம்பம்.

 

 

காரை மண்ணில் ஆயுள்வேத வைத்தியசாலை ஒன்று அமையவேண்டும் என்று பிரித்தானிய காரை நலன்புரிச்சங்கம் கடந்த 2013ம் ஆண்டு அப்போதைய காரை அபிவிருத்தி சபை நிர்வாகத்தின் வேண்டுகோளுக்கு இணங்க 1.3மில்லியன் ரூபாய்கள் செலவில் களபூமியில் காணி ஒன்றினை கொள்வனவு செய்து இத் திட்டத்திற்கு   வழங்கி இருந்தது.

→');" class="more-link">Continue reading

காரைநகர் முன்பள்ளி சிறுவர்களுக்கான இரும்புச்சத்து பாணி வழங்கல் செயற்திட்டம்

காரைநகர் முன்பள்ளி சிறுவர்களுக்கான இரும்புச்சத்து பாணி வழங்கல் செயற்திட்டம்.

ஊர்காவற்துறை சுகாதார அதிகாரி பணிமனையில் இருந்து பிரித்தானிய காரை நலன்புரிச்சங்கத்திற்கு கீழுள்ள கோரிக்கை கிடைக்கப்பெற்றுள்ளது.

 

 

Supply-Of-IronSyrup-Pre-Schools-Karainagar-Pg1

 
 
 

Supply-Of-IronSyrup-Pre-Schools-Karainagar-Pg2

 
 

இக்கோரிக்கையானது எமது இதர சகோதர காரை மன்றங்களிற்கும் கிடைக்கப்பெற்றாலோ அல்லது இந்தக் கோரிக்கைக்கான பண உதவியை யாரேனும் ஏற்கனவே கொடுத்து உதவியிருந்தாலோ தயவு செய்து எம்முடன் (பிரித்தானிய காரை நலன்புரிச்சங்கத்துடன்) உடனடியாக (30/04/2016 இற்கு முன்பாக) தொடர்பு கொள்ளவும். ஏனெனில், இச்செயற் திட்டத்தினை செய்வது தொடர்பாக நாம் தற்போது கலந்தாலோசிக்கின்றோம்.

  

தலைவர் : நாதன் : 0044-7944232014
மின்னஞ்சல்: info@karainagar.org

 
 

நன்றி,
காரை நலன்புரிச்சங்கம் (பிரித்தானியா)

நிகழ்ச்சிகள்-Events

Karai Hindu College 2016

Karai Hindu College Land Purchase Fund Raising 2016 https://mydonate.bt.com/events/karaihinduland2016

Advertisement

Please contact us on info@karainagar.org if you would like to advertise.

Archives

August 2016
M T W T F S S
« Jul    
1234567
891011121314
15161718192021
22232425262728
293031